Ի՞նչ են պայմանավորվել անհետ կորած զինծառայողների հարազատները՝ ՆԳՆ ոստիկանապետի տեղակալի հետ․ մանրամասներ
44-օրյա պատերազմում անհետ կորած զինծառայողների ծնողները երեկ՝ հուլիսի 27-ին, ՆԳՆ ոստիկանապետի տեղակալ Վարդան Վարդանյանի հետ զրույցում պայմանավորվել են, որ կսպասեն մինչև Ներքին գործերի նախարար Վահե Ղազարյանը վերադառնա գործուղումից։
Ծնողներից մեկը NEWS.am-ի հետ զրույցում ասաց, որ հանդիպման համար մինչեւ օգտոստոսի 10-ը ժամանակ են տվել։
Հիշեցնենք, որ Էջմիածնի «Քիմիկների» զորամասի զինծառայողների ծնողները, որոնց զավակներին 2021 թվականի հոկտեմբերի 21-ին տեղափոխել էին Արցախ մարտական առաջադրանքի և սխալ հրամանի պատճառով հայտնվել շրջափակման մեջ ու անհետ կորել, փակել էին Բաղրամյան-Պռոշյան խաչմերուկը և պահանջում էին հանդիպում Նիկոլ Փաշինյանի հետ: Նրանք մեկ շաբաթ առաջ էլ էին նույն պահանջով բողոքի ակցիա արել, բայց Փաշինյանը նրանց այդպես էլ չէր ընդունել։
