Քաղաքականություն

Ֆրանսիան` Ադրբեջանի կողմից Լաչինի միջանցքի արգելափակման մասին

Ֆրանսիան` Ադրբեջանի կողմից Լաչինի միջանցքի արգելափակման մասին
Ֆրանսիան իր ափսոսանքն է հայտնում Ադրբեջանի կողմից Լաչինի միջանցքի արգելափակման կապակցությամբ, որը հակասում է հրադադարի համաձայնագրերով ստանձնած պարտավորություններին և վնասում է բանակցային…

Ֆրանսիան իր ափսոսանքն է հայտնում Ադրբեջանի կողմից Լաչինի միջանցքի  արգելափակման կապակցությամբ, որը հակասում է հրադադարի համաձայնագրերով ստանձնած պարտավորություններին և վնասում է բանակցային գործընթացին։ Այս մասին հայտարարություն է տարածել է Ֆրանսիայի եվրոպական և արտաքին գործերի նախարարությունը։

 

Փարիզն իր ամբողջական աջակցությունն է հայտնել Եվրոպական միության արտաքին գործերի և անվտանգության քաղաքականության հարցերով բարձր ներկայացուցչի՝ հուլիսի 26-ի հայտարարությանը Լեռնային Ղարաբաղի բնակչության վրա ազդող հումանիտար իրավիճակի վերաբերյալ։

Ֆրանսիան Ադրբեջանին կոչ է անում կատարել իր միջազգային պարտավորությունները, մասնավորապես՝ կիրառել Միջազգային դատարանի՝ փետրվարի 22-ի որոշման մեջ նշված միջանկյալ միջոցները, որոնք պարտադիր են։  

 

Ֆրանսիան կոչ է անում վերականգնել բեռների, մարդկանց և ապրանքների ազատ տեղաշարժը Լաչինի միջանցքով երկու ուղղություններով և բնակչությանը գազով ու էլեկտրաէներգիայի շարունակական մատակարարումը։

 

«Եվրոպական միության հետ համատեղ, Ֆրանսիան լիովին հավատարիմ է մնում տարածաշրջանում կայուն և արդար խաղաղության հաստատմանը»,- նշել է դիվանգիտական գերատեսչությունը՝ վկայակոչելով Ֆրանսիայի նախարարի ուղերձը, որը եղել էր ապրիլի վերջին Հայաստան և Ադրբեջան կատարած այցի ժամանակ։

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (8138) Միջազգային (3547) ԱՄՆ (2381) Ռուսաստան (2284) Իրան (1793) Ընտրություններ (1285) Ուկրաինա (931) Երևան (822) Իսրայել (769) Ադրբեջան (684) Փաշինյան (611) Եվրոպա (531) Ազգային ժողով (511) Ընդդիմություն (492) Թրամփ (457)

Radio Aurora

Լսել Radio Aurora

Գովազդային տարածք

300x250