Եթե Երևանն իրոք ճանաչում է Ադրբեջանի տարածքային ամբողջականությունը՝ չպիտի խանգարի վերաինտեգրմանը․ Ազիմով

Եթե Երևանն իրոք ճանաչում է Ադրբեջանի տարածքային ամբողջականությունը՝ չպիտի խանգարի վերաինտեգրմանը։ Այս մասին այսօր Բաքվում հավատարմագրված դեսպանների հետ հանդիպման ժամանակ հայտարարել է Ադրբեջանի փոխարտգործնախարար Արազ Ազիմովը։

«Եթե հայկական կողմը իրոք ճանաչում է Ադրբեջանի տարածքային ամբողջականությունը, չպետք է առարկի Աղդամ-Խանքենդի (Ստեփանակերտ-խմբ.) ճանապարհով բեռների տեղափոխմանը և չպետք է խոչընդոտի վերաինտեգրման գործընթացին»,- ասել է նա՝ նշելով․  

«Այս առումով շատ կարևոր է միջազգային հանրության պատասխանատվությունը»։ 

«Հայկական կողմի շահարկումներին տրվելուց և հայտարարություններով հանդես գալուց առաջ պետք է մտածել, թե ինչ նպատակի են ծառայում դրանք։ Հարկավոր է նաև բացառել այն քայլերը, որոնք հակասում են Ադրբեջանի ինքնիշխանությանն ու տարածքային ամբողջականությանը։ Դրանց թվում է նաև սխալ տերմինաբանության օգտագործումը», - հայտարարել է Ադրբեջանի փոխարտգործնախարարը։