ԼՈՒՍԱՆԿԱՐՆԵՐ․ Անգելա Մերկելի ամուսինը թողել է, որ երեկոյան զգեստ հագած կինը թրջվի անձրևի տակ. Bild

Գերմանիայի նախկին կանցլեր Անգելա Մերկելը ստիպված է եղել գերմանացի հայտնի կոմպոզիտոր Ռիխարդ Վագների երաժշտության ամենամյա փառատոնի ժամանակ թրջվել անձրևի տակ։ Այս մասին գրել է Bild-ը։ 

Նշվում է, որ փառատոնն անցկացվում էր Բայրոթում։

Պարբերականի տեղեկացմամբ՝ քաղաքական գործչի ամուսինը՝ Յոահիմ Զաուերը, հովանոցը չի կիսել կնոջ հետ, չնայած հորդառատ անձրևին։

«Անձրևը Բայրոթում խուլիգանություն է անում։ Լինի Բավարիայի վարչապետ Մարկուս Զյոդերը, թե Մերկելի ամուսինը՝ Յոահիմ Զաուերը. նրանք հովանոցները պահել էին միայն իրենց վրա»,- նշվել է հաղորդագրությունում։

Ինչպես նշել է Bild-ը, տղամարդիկ իբր աննրբանկատ են գտնվել միջոցառումից առաջ, ինչը հանգեցրել է տարօրինակ իրավիճակի, քանի որ նրանց կանայք, այդ թվում Մերկելը, երեկոյան զգեստներով են և հայտնվել են անձրևի տակ։ 

Հավելենք, որ Reuters-ի ֆոտոշարքն այդ փառատոնից փոքր-ինչ այլ պատկեր է ներկայացնում՝ ցույց տալով, որ Գերմանիայի այդ նույն նախկին կանցլերն իրականում սեփական հովանոց ունի։

[9ec8e59a60a5d0c6c6089c3c0a60dea1.jpg]

[b9b655caae5955b513cb16f9119014cd.jpg]

[1c0234fe34f16f4a67ba2c3230ebbb15.jpg]

[0fd1b5fd9f7b716382b7ba469e930d97.jpg]