Հայ-ադրբեջանական կարգավորումը հեշտ չէ, բայց դրան այլընտրանք չկա. Զախարովա
Հայ-ադրբեջանական հարաբերությունների կարգավորումը հեշտ չէ, մենք դա հասկանում ենք, բայց դրան այլընտրանք չկա: Այս մասին ասել է ՌԴ ԱԳՆ խոսնակ Մարիա Զախարովան իր ամենշաբաթյա ճեպազրույցում։
«Հայաստանն ու Ադրբեջանը մեզ համար եղբայրական ժողովուրդներ են։ Խաղաղության գործընթացը պետք է իր մեջ ներառի դրական մթնոլորտի ստեղծում, հասարակությունների հաշտեցում, փորձագիտական համայնքների երկխոսություն, կրոնական առաջնորդների երկխոսություն և միջխորհրդարանական հարաբերությունների ակտիվացում։ Հայ-ադրբեջանական կարգավորման գործընթացը դյուրին չի գնում, բայց խաղաղությանը այլընտրանք չկա»,-ասել է նա։
Նա հավելել է․ «Մենք անհամբեր սպասում ենք նոր շփումների առաջիկա ամիսներին»։
Զախարովան անդրադարձել է հայ-ադրբեջանական խաղաղության գործընթացին, հարաբերությունների կարգավորմանն ու տարածաշրջանային հարցերին։
