Ղուրանի այրումը վիրավորական է, բայց օրինական․ Ժոզեպ Բորել

ԵՄ դիվանագիտության ղեկավար Ժոզեպ Բորելը հայտարարել է, որ եվրոպական երկրներում Ղուրանի այրման գործողությունները վիրավորական, անհարգալից և սադրիչ են, միևնույն ժամանակ, սակայն, Եվրամիության շրջանակներում այդ գործողություններն օրինական են,  հայտնում է RT-ն։ 

Բորելն արտահայտել է կրոնական ատելության հրահրման բոլոր դրսեւորումների վճռական մերժում: Նա հայտարարել է, որ Եվրոպայում տեղ չկա ռասիզմի և այլատյացության համար։ 

Դիվանագետն ընդգծել է, որ Եվրամիությունը շարունակում է պաշտպանել կրոնի և արտահայտվելու ազատությունը։ Միաժամանակ նա նշել է, որ ամեն ինչ չէ միաժամանակ և՛ օրինական, և էթիկական։ 

Ավելի վաղ հաղորդվել էր Դանիայում Ղուրանի այրման շարունակվող գործողությունների մասին, որոնք իրականացվում են արմատական ​​ակտիվիստների կողմից։ Այս անգամ ակցիան տեղի է ունեցել Պակիստանի դեսպանատան մոտ։