ՏԵՍԱՆՅՈՒԹ. Վարդան Օսկանյանի հայտարարություններում որևէ օգտակար բան չեմ տեսնում. Փաշինյան

«Կարող են Հայաստանի բոլոր արտաքին գործերի  նախկին նախարարները նման հայտարարություններ անել, բայց եթե նախկին ԱԳ նախարարը կարող է բեկում մտցնել ղարաբաղյան բանակցություններում, կարծում եմ` իր պաշտոնավորման ընթացքում կարող էր այդ բեկումը մտցնել և բոլորիս տեսանելի դարձնել»։ Այս մասին մամուլի ասուլիսի ժամանակ ասաց ՀՀ վարչապետ Նիկոլ Փաշինյանը` պատասխանելով լրագրողի այն հարցին, թե նախկին արտգործնախարար Վարդան Օսկանյանը դիմել է` հայցելով, որ իրեն հնարավորություն տաք բեկում մտցնել Ադրբեջանի հետ բանակցություններում: Արդյո՞ք պատաստ եք գնալ նման քայլի ի շահ Արցախի: 

«Ես արդեն գնահատականներ տվել եմ Օսկանյանի վարած քաղաքականությանը, մասնավորապես Մադրիդյան սկզբունքներին»,- նշեց Փաշինյանը։ 

Փաշինյանը նորից շեշտեց, թե կաշկանդվածություն չունի Արցախի հարցով նախկին նախագահների հետ հանդիպելուց` հիշեցնելով` պատերազմի օրերին եղել է նման նախաձեռնություն, բայց հետագայում նրանք հրաժարվել են մասնակցել: 

Մանրամասները` տեսանյութում: