ՏԵՍԱՆՅՈՒԹ. Ե՞րբ, ո՞ր պահին հասկացաք, որ Արցախը Ադրբեջան է. լրագրողը հնչեցրեց զոհված զինծառայողի հոր հարցը
Մամուլի ասուլիսի ժամանակ լրագրողը ՀՀ վարչապետ Նիկոլ Փաշինյանին է փոխանցել 44-օրյա պատերազմում զոհված Դավիթ Զաքարյանի հոր` Աշոտ Զաքարյանի հարցերը: Առաջին հարցն այն մասին էր, թե ե՞րբ, ո՞ր պահին, ո՞ր իրադարձություններից հետո Փաշինյանը հասկացավ, որ Արցախը Ադրբեջան է և ինչո՞ւ էր 2019 թվականի օգոստոսի 5-ին հայտարարում` Արցախը Հայաստան է և վերջ, ինչի՞ հիման վրա, տղաները Ադրբեջանո՞ւմ էին ծառայում, թե՞ հայկական Արցախում:
«Այդ հարցն, իհարկե, կապված տղաների ծառայության հետ քննարկվել է նաև աշխատանքային հանդիպումների ընթացքում, և պիտի արձանագրեմ նաև, որ այդ որոշումը տղաների ծառայելու վերաբերյալ դժբախտաբար թե բարեբախտաբար, առանց երանգավորման, ես չեմ կայացրել: Ինչ վերաբերում է Ադրբեջանի տարածքային ամբողջականությունը ճանաչելու խնդրին, նախ ՀՀ-ն միշտ էլ ճանաչել է Ադրբեջանի տարածքային ամբողջականությունը, բայց դա միշտ չի, որ հայտարարվել և արձանագրվել է»,- նշեց Փաշինյանը։
Մանրամասները` տեսանյութում:
