Թուրքիայի խորհրդարանը ՆԱՏՕ-ին անդամակցելու Շվեդիայի հայտը կքննարկի հոկտեմբերին․ Էրդողան
Թուրքիայի խորհրդարանը կարող է հոկտեմբերին քննարկել ՆԱՏՕ-ին անդամակցելու Շվեդիայի հայտը վավերացնելու հարցը։ Այս մասին հայտարարել է Թուրքիայի նախագահ Ռեջեփ Թայիփ Էրդողանը։
«Դաշինքին Շվեդիայի անդամակցության գործընթացի հետ կապված փոխադարձ քայլերը սահմանվել են համատեղ հայտարարությամբ։ Մենք անհրաժեշտ նախազգուշացումներ ենք արել Շվեդիային։ Մենք մեր ներդրումն ենք ունենալու խորհրդարանի բացմամբ։ Վերջնական որոշումը կայացնում է Թուրքիայի Ազգային մեծ ժողովը»,- ասել է Էրդողանը, որը մեջբերում է տեղական Habertürk թերթը։
Հուլիսի 16-ին Թուրքիայի խորհրդարանը արձակուրդ է գնացել եւ աշխատանքի կվերադառնա հոկտեմբերի 1-ին։
