ՏԵՍԱՆՅՈՒԹ. «Ժոնգ Թոնգ»-ներում վերևից է սառը օդը փչում. Ավինյանն առաջարկեց լուծումներ գտնել
Հուլիսի 24-ին Երևանի քաղաքապետարանի գործակարգավարական նիստի ընթացքում փոխքաղաքապետ Տիգրան Ավինյանը հետաքրքրվեց, թե արդյոք «Ժոնգ Թոնգ» ավտոբուսներում աշխատում է օդափոխության համակարգը։
Ըստ «Երևան ավտոբուս» ՓԲԸ տնօրեն Հովհաննես Մանուկյանի՝ «Ժոնգ Թոնգ»-ներում օդափոխության համակարգը աշխատում է, բայց լինում են բողոքներ ուղևորների կողմից և այդ պատճառով վարորդները չգիտեն միացրած պահեն, թե անջատեն։
««Ժոնգ Թոնգ»-ներում վերևից է սառը օդը փչում և մարդկանց գլխին։ Դրա համար են մարդիկ բողոքում»,- նշել է Մանուկյանը։
Տիգրան Ավինյանը հանձնարարեց լուծումներ գտնել այդ խնդրին, քանի որ դժվար է 37 աստիճանում տրանսպորտով երթևեկելը։
Մանրամասները` տեսանյութում:
