Իրանն աջակցում է հարևանների միջև տարաձայնությունների լուծման խաղաղության գործընթացին․ Քանանի
Իրանի արտգործնախարարության խոսնակ Նասեր Քանանին Հարավային Կովկասը Թեհրանի համար նշանակալի հարց է անվանել։ Այս մասին է հայտարարել այսօր՝ հուլիսի 24-ին, ամենշաբաթյա իր ասուլիսի ժամանակ։
«Իրանն աջակցում է հարևանների միջև տարաձայնությունների լուծման խաղաղության գործընթացին», - ասել է նա։
«Հայաստանի արտգործնախարարը երկկողմ հարաբերությունների շրջանակում այսօր կայցելի Թեհրան՝ ի պատասխան իրանցի գործընկերոջ՝ Երևան կատարած այցի»,- ասել է դիվանագետը։
Նրա խոսքով՝ Իրանի և Հայաստանի արտգործնախարարները կքննարկեն համագործակցությունը էներգետիկայի, տնտեսության, հյուպատոսական ծառայությունների ոլորտներում։
Հիշեցնենք, որ այս րոպեներին Թեհրանում ընթանում է Հայաստանի և Իրանի արտգործնախարարների հանդիպումը։ Հանդիպումից հետո նախարարները հանդես են գալու մամուլի ասուլիսով:
