Ուկրաինան կասետային ռումբերն արդյունավետ է օգտագործում. Սպիտակ տուն
Սպիտակ տունը հաստատել է, որ Ուկրաինան արդեն օգտագործում է ամերիկյան կասետային ռումբերն ընդդեմ ռուսական ուժերի։ Սպիտակ տան՝ Ազգային անվտանգության հարցերով խոսնակ Ջոն Քիրբին ասել է, որ նախնական արձագանքները ենթադրում են, որ դրանք «արդյունավետորեն» օգտագործվում են ռուսական պաշտպանական դիրքերի դեմ, գրում է BBC-ն:
«Նրանք դրանք պատշաճ կերպով, արդյունավետորեն են օգտագործում: Դրանք իրականում ազդեցություն են ունենում Ռուսաստանի պաշտպանական կազմավորումների և Ռուսաստանի պաշտպանական մանևրների վրա», - ասել է Քիրբին:
ԱՄՆ-ն կասետային ռումբեր ուղարկելու որոշումը կայացրել է այն բանից հետո, երբ Ուկրաինան զգուշացրել է, որ զինամթերքը սպառվում է: Նախագահ Ջո Բայդենը որոշումն անվանել է «շատ դժվար», մինչդեռ նրա դաշնակիցները՝ Մեծ Բրիտանիան, Կանադան, Նոր Զելանդիան և Իսպանիան դեմ են արտահայտվել դրանց կիրառմանը։
Ուղարկված զինամթերքի ճնշող մեծամասնությունը հրետանային արկեր են, որոնք անմիջապես չեն պայթում և կարող են տարիներ շարունակ սպառնալիք մնալ: Զենքերն արդյունավետ են, երբ օգտագործվում են խրամատներում և ամրացված դիրքերում գտնվող զորքերի դեմ:
Կասետային ռումբերը ցրում են բազմաթիվ ռումբեր և արգելված են ավելի քան 100 երկրի կողմից՝ քաղաքացիական բնակչությանը սպառնացող վտանգի պատճառով: Ուկրաինան խոստացել է, որ ռումբերը կօգտագործվեն միայն թշնամու զինվորների կենտրոնացումը ցրելու համար:
