ՏԵՍԱՆՅՈՒԹ․ Կանանց ֆուտբոլի աշխարհի առաջնությունից առաջ հրաձգություն՝ Օքլենդում․ կան զոհեր և վիրավորներ

Այսօր՝ հուլիսի 20-ի առավոտյան, Նոր Զելանդիայի Օքլենդ քաղաքում ՝ կանանց ֆուտբոլի աշխարհի առաջնության մեկնարկից ժամեր առաջ հրաձգություն է տեղի ունեցել։

Հրաձգության հետևանքով 2 մարդ սպանվել է, 6-ը՝ վիրավորվել։ Հայտնի է, որ վիրավորվածներից մեկը ոստիկան է 

Հանցագործը անկանոն կրակ բացել մարդկանց ուղղությամբ՝ պոմպային որսորդական հրացանով: Ոստիկանությունը հայտնում է, որ 24-ամյա կրակողը մահացել է, իսկ, թե ինչն է նրան դրդել գնալ այս քայլին, դեռ հայտնի չէ։

Երկրի իշխանությունները հայտարարել են, որ կատարվածը որպես ահաբեկչական գործողություն չեն դիտարկում։

Նշվում է, որ ֆուտբոլի մրցաշարը կանցկացվի նախատեսվածի համաձայն։