ՏԵՍԱՆՅՈՒԹ․ Հրդեհ՝ Մոսկվայի բնակելի տներից մեկում․ վեց մարդ է տուժել, այդ թվում՝ երեք երեխա
Ռուսաստանի մայրաքաղաք Մոսկվայում խոշոր հրդեհ է բռնկվել Դմիտրովսկի մայրուղու բազմահարկ բնակելի շենքում։ Այս մասին հայտնում է SHOT-ը։
Միջադեպի արդյունքում տուժել է առնվազն վեց մարդ, այդ թվում՝ երեք երեխա։ Միաժամանակ հրշեջներին հաջողվել է հրդեհից փրկել յոթ ամսական աղջկա:
Թելեգրամյան ալիքի տվյալներով՝ երեխային հրդեհի բռնկումից մեկ ժամ անց դուրս են բերել բնակարանից։ Փոքրիկը հրդեհի էպիկենտրոնում է եղել։ Փրկարարը ձեռքերի վրա վերցրել է աղջկան և հանձնել բժիշկներին։ Նա շմոլ գազից թունավորում է ստացել։
Նշվում է, որ տարհանումն ու հրդեհաշիջման աշխատանքները շարունակվում են։ Դեպքի հանգամանքները պարզվում են։
