ՏԵՍԱՆՅՈՒԹ․ Հրապարակվել են Ղրիմի կամրջի վնասման կադրերը
Ղրիմի կամրջի վնասման կադրերը ցուցադրել է «Ղրիմ 24» հեռուստաալիքը։
«Ցույց ենք տալիս Ղրիմի կամրջի վնասված հատվածը։ Հենարաններն ամբողջական են: Տեսանյութն ուղարկել են գնացքի ուղևորները», - ասվում է հաղորդագրության մեջ։
Հիշեցնենք՝ տեղական աղբյուրները գրել էին Ղրիմի կամրջի երկու հզոր պայթյունների և կամրջի լուրջ վնասների մասին։ Հայտնի էր դարձել, որ միջադեպի հետևանքով մահացել է ամուսնական զույգ, իսկ նրանց անչափահաս դուստրը հոսպիտալացվել է:
Նշենք, որ հուլիսի 17-ի վաղ առավոտյան Ղրիմի ղեկավար Սերգեյ Աքսյոնովը հայտարարել է Կրասնոդարի երկրամասի կողմից 145-րդ հենակետի շրջանում տեղի ունեցած արտակարգ պատահարի պատճառով Ղրիմի կամրջի երկայնքով երթևեկության դադարեցման մասին: Սակայն հայտնի է, որ այս պահին Ղրիմի կամրջի վրա տեղի ունեցած պատահարից հետո երկաթուղային երթևեկությունը վերսկսվել է։
