Թրամփն ասել է՝ ինչպես է ծրագրում լուծել ուկրաինական հակամարտությունն ընդամենը մեկ օրում

ԱՄՆ նախկին նախագահ Դոնալդ Թրամփը Fox News-ի հարցազրույցում բացատրել է 24 ժամում ուկրաինական հակամարտությունը դադարեցնելու իր պլանը։

«Ինչպես գիտեք, ես շատ լավ հարաբերությունների մեջ եմ Պուտինի հետ։ Ես կասեի Պուտինին. «Դու պետք է լուծես դա»։ Ես մեկին կասեի, որ նա լիքը փող կստանա, իսկ մյուսին՝ որ նա փող չի ստանա։ Ես կարգավորման կհասնեի 24 ժամում»,- պարզաբանել է նախկին նախագահը։

Ինչպես ընդգծել է Թրամփը, ուկրաինական հակամարտությունը «երբեք չպետք է լիներ»։ Նա նշել է Ռուսաստանի և Ուկրաինայի միջև մարտական բախումների կործանարար բնույթը և ավելացրել, որ իր խնդիրն է համարում դրանց անհապաղ դադարեցումը։