Սա հարձակում է իմ փաստաբանների վրա․ Թրամփը՝ իր դեմ Կապիտոլիումի գործով մեղադրանքների մասին
ԱՄՆ նախկին նախագահ Դոնալդ Թրամփը երկրի արդարադատության նախարարության նոր մեղադրանքների մասին տեղեկությունների ֆոնին հայտարարել է, որ իր փաստաբանները հարձակման են ենթարկվել։ Այս մասին նա գրել է իր Truth Social սոցիալական ցանցում։
«Այս արատավոր կոմունիստները, մարքսիստները, ֆաշիստները և արմատական ձախ դեմոկրատները հարձակվել են իմ փաստաբանների վրա նախկինում չտեսնված մակարդակում»,- ասել է Սպիտակ տան նախկին ղեկավարը։
Միաժամանակ քաղաքական գործիչը նշել է, որ «դեռ շարունակում է հաղթել»։
Նա նաև հայտարարել է, որ իրեն պաշտպանող ցանկացած փաստաբան «կա՛մ հիմար է, կա՛մ ամերիկացի մեծ հայրենասեր»։
Հուլիսի 19-ին հաղորդվել էր, որ ԱՄՆ արդարադատության նախարարությունը Թրամփին Կապիտոլիումի գրոհի գործով մեղադրանք է առաջադրել երեք հոդվածներով։
