ՏԵՍԱՆՅՈՒԹ․ Երևանի քաղաքապետարան զանգահարած որևէ քաղաքացի անպատասխան չի մնացել
Այսօր Երևանի քաղաքապետարանի գործակարգավարական խորհրդակցության ժամանակ զեկուցվեց, որ «Թեժ գծի» զանգերի սպասարկման և աջակցման բաժինը մասնակի համալրվել է, և նոր աշխատակիցներն առավելագույն կերպով ներգրավված են բաժնի աշխատանքներում, միևնույն ժամանակ, փորձառություն են անցնում զանգերի որակը բարձրացնելու համար։
Տեղեկացրին, որ համալրման երկրորդ փուլը կլինի օգոստոսին և առաջիկա ամիսներին կլինի թե՛ զանգերի քանակի, թե՛ որակի բարձր ցուցանիշ, ինչը մշտական բնույթ կկրի։
«Սույն թվականի հուլիսի 13, 14, 15 և 16-ին բաժինն ապահովել է 100% սպասարկում։ Երևանի քաղաքապետարան զանգահարած որևէ քաղաքացի անպատասխան չի մնացել։ Վստահ եմ, որ բաժնի աշխատակիցները պահելու են այս ցուցասնիշը հատկապես նոր համալրումից հետո»,- հայտնել է Լիլիթ Յավրյանը։
Երևանի փոխքաղաքապետ Տիգրան Ավինյանն էլ նշեցլ է, որ իրապես տեսանելի է տեմպը. 18%-ից հասնել 90-%ի՝ մեծ ցուցանիշ է։
Մանրամասները՝ տեսանյութում։
