Պատուհանից ընկած երեխայի վիճակը գնահատվում է ծանր․ «Սուրբ Աստվածամայր» ԲԿ

Պատուհանից ընկած երեխայի վիճակը գնահատվում է ծանր։ Այս մասին տեղեկանում ենք «Սուրբ Աստվածամայր» ԲԿ-ի ֆեյսբուքյան էջում տարածած հաղորդագրությունից։ 

««Սուրբ Աստվածամայր» ԲԿ է ընդունվել 4-րդ հարկի պատուհանից ընկած 3 տարեկան երեխա:

Փոքրիկի մոտ առկա են տարբեր վնասվածքներ, մասնավորապես՝ կրծքավանդակի, որովայնի, ոտքի և այլն: Երեխայի վիճակը գնահատվում է ծանր, նա գտնվում է վերակենդանացման բաժանմունքում»:

ԲԿ-ի մասնագետներն անում են ամեն հնարավորը՝ երեխայի կյանքը փրկելու համար:

Հիշեցնենք՝ ավելի վաղ հայտնել էինք, որ Արմավիրում 3-ամյա տղան 4-րդ հարկի պատուհանից անզգուշաբար վայր է ընկել։