«Հացահատիկի գործարքը անցավ պատմության գիրկը»․ Էրդողան
Թուրքիայի նախագահ Ռեջեփ Թայիփ Էրդողանը հայտարարել է, որ «հացահատիկի գործարքը» «անցավ պատմության գիրկը»: Այս մասին հայտնում է ՏԱՍՍ-ը։
Այդուհանդերձ, Թուրքիայի նախագահը հույս ունի, որ «հացահատիկի գործարքը» կերկարաձգվի։
Էրդողանը ենթադրել է, որ ՌԴ նախագահ Վլադիմիր Պուտինը ցանկանում է շարունակել հացահատիկի գործարքը և հավելել, որ մտադիր է պայմանագրերի պայմանները քննարկել ռուսական պետության ղեկավարի հետ օգոստոսին Թուրքիա կատարելիք այցի ընթացքում։
Էրդողանը նաև ասել է, որ Թուրքիայի արտգործնախարար Հաքան Ֆիդանը նույնպես մտադիր է իր ռուս գործընկեր Սերգեյ Լավրովի հետ քննարկել միջազգային գործարքի պայմանները։
Նշենք, որ ավելի վաղ հայտնել էինք, որ ՌԴ նախագահի մամուլի քարտուղար Դմիտրի Պեսկովը, հայտարարել է, որ Ռուսաստանը դադարեցնում է հացահատիկի գործարքի կատարումը։
