Կոտայքում բախվել են 3 բեռնատար ու ՎԱԶ-2109-ը. վիրավոր կա
Այսօր՝ հուլիսի 15-ին, խոշոր ավտովթար է տեղի ունեցել Կոտայքի մարզում: Այս մասին հայտնում է Shamshyan.com-ը:
Ժամը 10:00-ի սահմաններում Աբովյան քաղաքից դեպի Նոր Հաճն տանող 1-ին կմ հատվածում՝ Նոր Հաճնի կամրջի սկզբնամասում, բախվել են Երևանի բնակիչ 44-ամյա Առաքել Ն.-ի վարած MAN մակնիշի բեռնատարը, Արագածոտնի մարզի բնակիչ 37-ամյա Արմեն Խ.-ի վարած ЗИЛ մակնիշի բեռնատարը, Գեղարքունիքի մարզի բնակիչ 38-ամյա Շավարշ Խ.-ի վարած МАЗ մակնիշի և ՎԱԶ-2109 մակնիշի ավտոմեքենաները:
1 հոգի տեղափոխվել է «Աբովյան» բժշկական կենտրոն:
