Մակրոնին կտրած մատ են ուղարկել․ Ելիսեյան պալատը պարզել է՝ ումն է այն

Ֆրանսիայի նախագահի նստավայր՝ Ելիսեյան պալատ մարդու կտրված մատով անանուն նամակ են ուղարկել։

Ելիսեյան պալատի թղթակից ծառայությունը մատով նամակը ստացել է հուլիսի 9-ից 10-ն ընկած ժամանակահատվածում։ Մարդու մարմնի այդ հատվածը հանձնվել է իրավապահներին, որոնք այն տեղադրել են սառնարանում։

Ֆրանսիայի նախագահի անվտանգության ծառայությունը պարզել է մատի տիրոջ ինքնությունը, սակայն չի բացահայտել։ Ելիսեյան պալատը չի մեկնաբանում միջադեպը, հայտնում է Valeurs Actuelles-ը:

Նշենք, որ կտրված մատով նամակը Ֆրանսիայի նախագահ Էմանուել Մակրոնի նստավայր է հասել՝ Բաստիլի գրավման օրվա ազգային տոնի նախօրեին, որը նշվում է հուլիսի 14-ին։