BBC-ի հաղորդավարը անչափահասի հետ ունեցած ինտիմ շփման պատճառով հեռացվել է եթերից

BBC-ն ժամանակավորապես դադարեցրել է իր հայտնի հաղորդավարներից մեկի գործունեությունն այն բանից հետո, երբ հայտնի է դարձել նրա՝ անչափահասի հետ երկար տարիների ինտիմ նամակագրության մասին: Այս մասին գրել է լրատվամիջոցը։

Ավելի վաղ The Sun թերթը հայտնել էր, որ իր խմբագրություն է դիմել դեռահասի մայրը։ Ըստ տեղեկության՝ դեռահասը գումար է ստացել անկեղծ լուսանկարներ ուղարկելու համար։ Մոր խոսքով՝ իր երեխան թմրամոլ է դարձել։ Հաղորդակցությունը, ըստ հրապարակման, սկսել է 2020 թվականին, երբ դեռահասը 17 տարեկան է եղել։

BBC-ն հայտնել է, որ կապ է հաստատել ոստիկանության հետ այն պնդումներից հետո, երբ իր հաղորդավարներից մեկը դեռահասին 35,000 ֆունտ է վճարել սեքսուալ բնույթի լուսանկարների համար:

«Մի անգամ նա ուղարկել էր 5,000 ֆունտ կլորիկ գումար: Գումարը եղել է երեխայիս սեքսուալ բնույթի լուսանկարների դիմաց»,- ասել է մայրը։

Կիրակի երեկոյան (Լոնդոնի ժամանակով) The Sun-ի նոր հրապարակման համաձայն՝ հաղորդավարը, ինչպես ինքն է ասում, երկու «խուճապային զանգեր» է լրատվամիջոցի հրապարակումից հետո:

Հաղորդավարը, հարցրել է երիտասարդին, թե «ինչ ես արել», ու խնդրել է, որ լրատվամիջոցին զանգահարել նրա մորը, որպեսզի նա «դադարեցնի հետաքննությունը»։ 

BBC-ի մի քանի աստղեր, ներառյալ Ջերեմի Վայնը, Նիքի Քեմփբելը, Գարի Լինեքերը և Ռիլան Քլարքը, հրապարակայնորեն ասել են, որ իրենք չեն ներգրավված անչափահասի հետ շփման մեջ: