Ուժեղ շոգի պատճառով մոտ 200 հազար մարդ մնացել է առանց էլեկտրականության

Կանադայում՝ Քվեբեկում ուժեղ շոգեր են սկսվել, ինչի պատճառով ավելի քան 200 հազար մարդ զրկվել է էլեկտրականությունից։ Այս մասին հայտնում է CTV հեռուստաալիքը։ 

Ազգային մետեոգրասենյակի տվյալներով՝ հուլիսի 6-ին Մոնրեալում և նրա արվարձաններում ջերմաստիճանը հասել է մինչև 40 աստիճան տաքության։ Հաղորդվում է, որ դրա հետևամքով բնակիչներն սկսել են միացնել օդորակիչներ, ինչի պատճառով ծանրաբեռնվել են տեղի էլեկտրացանցերը։ 

Նշվում է նաև, որ վնասված ցանցերի վերականգնման աշխատանքները շարունակվում են։ Տուժածների մասին տեղեկություններ չկան։