Զինծառայողներ են զոհվել․ Հնդկաստանում ռազմական ինքնաթիռ է կործանվել

Հնդկաստանում ռազմաօդային ուժերի An-32 տրանսպորտային ինքնաթիռի վթարի հետևանքով զոհվել է  5 մարդ։ Այս մասին հայտնում է ANI լրատվականը՝ հղում անելով Հնդկաստանի պաշտպանության նախարարությանը։

«Ռազմաօդային ուժերի 5 զինծառայող զոհվել է ինքնաթիռի վթարի հետևանքով», - հայտնում է աղբյուրը։

Նշվում է, որ օդաչուներից մեկը ողջ է մնացել և բժշկական օգնություն է ստանում։

Ավելի վաղ հաղորդվել էր, որ միջադեպը տեղի է ունեցել Հնդկաստանի Ասսամ նահանգի Ջորհաթ ավիաբազայում. ինքնաթիռը վթարի է ենթարկվել վայրէջք կատարելիս։ Նշվել էր, որ վթարից հետո դեպքի վայրում հրդեհաշիջման աշխատանքներ են ընթանում։

Վթարի պատճառը պարզելու համար ստեղծվել է հետաքննական հանձնաժողով։