Չվերթից 19 ուղևոր է հեռացվել՝ ինքնաթիռը «չափազանց ծանր էր թռիչքի համար»

Բրիտանական EasyJet լոուքոսթերի ինքնաթիռից 19 ուղևոր է իջեցվել։ Այս մասին հայտնում է Daily Mail-ը և տեղեկացնում, որ ինքնաթիռը Լանսարոտեից Մեծ Բրիտանիա է մեկնելիս եղել։

Հաղորդվում է, որ ուղևորներին իջեցրել են, քանի որ օդանավը չափազանց ծանր է եղել թռիչքի համար։ Օդաչուն հայտնել է, որ վատ եղանակային պայմաններ է եղել, և, որ ուղևորների նմանատիպ քանակով և քաշով չի կարող թռչել։ 

«Անվտանգությունը մեր թիվ մեկ առաջնահերթությունն է։ Նմանատիպ քամու պայմաններում մենք ոչ մի կերպ չենք կարող թռչել», -ասել է օդաչուն:

Օդաչուն նաև հայտարարել է, որ EasyJet-ը պատրաստ է մինչև 500 եվրո վճարել յուրաքանչյուր ուղևորին՝ ինքնաթիռը լքելու համար: