Հայտնի է, թե Բեռլուսկոնին որքան ժառանգություն է թողել իր վերջին կնոջը

Իտալիայի նախկին վարչապետ Սիլվիո Բեռլուսկոնին 100 միլիոն եվրոյի ժառանգություն է թողել իր վերջին կնոջը՝ 33-ամյա Մարտա Ֆաշինային։ Հայտնում է ansa.it-ը:

Forbes-ը քաղաքական գործչի կարողությունը գնահատել է 7,1 միլիարդ դոլար, որոնց մեծ մասը պատկանում է Fininvest-ի բազմամիլիարդանոց հոլդինգին, որը Բեռլուսկոնին կտակել է երկու մեծ երեխաներին:

Բացի նրանցից և Ֆաշինայից, 100 միլիոն կստանա Բեռլուսկոնիի կրտսեր եղբայրը, 30 միլիոն՝ գործընկեր Մարչելո Դել Ուտրին։

Ավելի վաղ հայտնել էինք, որ Միլանում 87 տարեկանում մահացել է Իտալիայի նախկին վարչապետ Սիլվիո Բեռլուսկոնին։