Ադրբեջանում պահանջում են 12 տարվա ազատազրկման դատապարտել առևանգված հայ զինծառայողներին

Սումգայիթի ծանր հանցագործությունների դատարանում պահանջում են 12 տարվա ազատազրկման դատապարտել առևանգված հայ զինծառայողներ Հարություն Հովագիմյանին և Կարեն Ղազարյանին: APA-ի հաղորդմամբ՝ դատավճիռը կկարդան վաղը։

Ավելի վաղ հայտնել էինք, որ Ադրբեջանում այս օրերին ընթանում էր առևանգված հայ ռազմագերիների դատը։ 

Սումգայիթի ծանր հանցագործությունների դատարանը ապօրինի պահվող հայ զինծառյողներին մեղադրում է իբրև Ադրբեջանի պետական սահմանը հատելու մեջ։ 

Հիշեցնենք՝ մայիսի 26-ին մարտական դիրքեր սնունդ մատակարարող երկու հայ զինծառայողների հետ կապն ընդհատվել էր:  Քննչական կոմիտեից ավելի ուշ տեղեկացրել էին, որ նախնական տվյալով՝ Ադրբեջանի զինված խումբը հատել է սահմանը և առևանգել հայ զինծառայողներին: