Թուրքիայի Ղահրամանմարաշ քաղաքում երկրաշարժ է գրանցվել
Թուրքիայի Ղահրամանմարաշ քաղաքում 3,6 մագնիտուդով երկրաշարժ է այսօր տեղի ունեցել: Այս մասին հայտնում է տարերային աղետների հետևանքների վերացման վարչությունը (ԱՖԱԴ)։
Գերատեսչության տվյալներով՝ երկրաշարժը գրանցվել է տեղական ժամանակով ժամը 08: 55-ին Գեքսունի շրջանում:
Ստորգետնյա ցնցումների օջախը գտնվել է 6,97 կմ խորության վրա:
Հիշեցնենք, որ Թուրքիայի հարավ-արևելքում գտնվող Ղահրամանմարաշ նահանգում 7,7 և 7,6 մագնիտուդ ուժգնությամբ հզոր երկրաշարժեր են տեղի ունեցել փետրվարի 6-ին՝ 9 ժամ ընդմիջումով: Ստորգետնյա ցնցումները զգացվել են երկրի 11 նահանգում և հարևան պետություններում, այդ թվում՝ Սիրիայում: Թուրքիայի իշխանությունները երկրաշարժերն անվանել են «դարի աղետ»։
