ՏԵՍԱՆՅՈՒԹ. Հռոմեական Կոլիզեյի պատին զբոսաշրջիկը փորագրել է ընկերուհու անունը
Բրիտանացի զբոսաշրջիկը, որը Հռոմի Կոլիզեյի պատին փորագրել է իր և ընկերուհու անունները, նամակ է գրել Հռոմի դատախազությանը և քաղաքապետարանին՝ նշելով, որ ինքը միայն դեպքից հետո է իմացել, թե որքան հին է ճարտարապետական հուշարձանը։
«Խոստովանում եմ, որ հուշարձանի հնության մասին իմացա միայն այն բանից հետո, ինչ, ցավոք, տեղի ունեցավ»,-ինչպես հաղորդում է ՏԱՍՍ-ին, զբոսաշրջիկի խոսքերը մեջբերել է քաղաքային il Messaggero թերթը։
Հունիսի վերջին Reddit հանրահայտ պորտալում հայտնվել է մի տեսանյութ, որում երևում է, թե ինչպես է մի երիտասարդ, օգտագործելով բանալիների խուրձը, ամֆիթատրոնի աղյուսե պատին փորագրում Ivan + Hayley 23 մակագրությունը:
