Սի Ցզինպինը անձամբ նախազգուշացրել է Պուտինին` Ուկրաինայում միջուկային զենք չկիրառելու մասին

Չինաստանի նախագահ Սի Ցզինպինը Ռուսաստանի նախագահ Վլադիմիր Պուտինին նախազգուշացրել է Ուկրաինայի պատերազմում միջուկային զենք օգտագործելու մասին։ Այս մասին գրում է Financial Times-ը՝ վկայակոչելով արեւմտյան եւ չինացի պաշտոնյաներին։

Ըստ հրապարակման՝ Պուտինն ու Սին այդ հարցը քննարկել են 2023 թվականի մարտին Չինաստանի ղեկավարի Մոսկվա կատարած այցի ժամանակ։ Ինչպես նշում են հրապարակման աղբյուրները, Չինաստանի ղեկավարը մտահոգված է ուկրաինական հակամարտությամբ՝ չնայած Մոսկվայի աջակցությանը տնտեսության և առևտրի ոլորտում։

Ինչպես նշել է չինացի պաշտոնյաներից մեկը, միջուկային զենքի վերաբերյալ ՉԺՀ-ի դիրքորոշումը ներառվել է Ուկրաինայում իրավիճակի խաղաղ կարգավորման ՉԺՀ-ի ծրագրում։