ՏԵՍԱՆՅՈՒԹ. Մակրոնը լքել է ԵՄ գագաթնաժողովը և շտապ վերադարձել Ֆրանսիա
Ֆրանսիայի նախագահ Էմանուել Մակրոնը լքել է Բրյուսելում անցկացվող ԵՄ գագաթնաժողովը, որպեսզի մասնակցի կառավարության նիստին, որի ընթացքում քննարկվելու երկրում տիրող իրավիճակը։ Տեղեկությունը հայտնում է ՌԻԱ Նովոստին՝ հղում անելով արևմտյան ԶԼՄ-ներին:
«Մակրոնը լքել է Եվրոպայի խորհուրդը, նրա մամուլի ասուլիսը չեղարկվել է։ Նրան սպասում են Փարիզում, որտեղ նա կգլխավորի միջգերատեսչական ճգնաժամային խմբի նիստը», - ասվում է հաղորդագրության մեջ։
Ավելի վաղ հայտնել էինք, որ Ֆրանսիայի Բնակարանային քաղաքականության հարցերով նախարարի պատվիրակ Օլիվյե Կլայնը BFM հեռուստաալիքի եթերում հայտարարել է, որ երկրում անկարգությունների հետ կապված կարող է արտակարգ դրություն հայտարարվել։
Հիշեցնենք` հունիսի 27-ի առավոտյան ոստիկանները Նանտերում՝ Փարիզից արևմուտք գտնվող արվարձանում, ստուգման ժամանակ սպանել են 17-ամյա դեռահասի, որը, ըստ ոստիկանների տեղեկությունների, հրաժարվել է կատարել իրենց պահանջները: Դրանից հետո Ֆրանսիայի մի շարք քաղաքներում անկարգություններ են սկսվել, որոնք շարունակվում են արդեն մի քանի օր: Բերման ենթարկված ցուցարարների թիվը հասել է ավելի քան 667-ի:
