Պրիգոժինին տեղեկացրել էին «Վագներ»-ին հատուկ գործողությունից հեռացնելու մասին. Կարտապոլով

«Վագներ» մասնավոր ռազմական ընկերության հիմնադիր Եվգենի Պրիգոժինը հրաժարվել է պայմանագիր կնքել Ռուսաստանի Դաշնության պաշտպանության նախարարության հետ, որից հետո նրան ծանուցվել է հատուկ ռազմական գործողությունում իր ընկերության մասնակցության դադարեցման մասին: Այս մասին հինգշաբթի լրագրողներին հայտնել է Պետդումայի պաշտպանության կոմիտեի նախագահ Անդրեյ Կարտապոլովը։ Այս մասին գրում է ՏԱՍՍ-ը:

Նա հիշեցրել է, որ ապստամբության փորձից մի քանի օր առաջ ՌԴ ՊՆ-ն հայտարարել էր, որ «բոլոր կազմավորումները, որոնք կատարում են մարտական առաջադրանքներ, պետք է պայմանագիր կնքեն նախարարության հետ»։

«Եվ բոլորը սկսեցին իրականացնել այս որոշումը, միանգամայն ճիշտ որոշում, բոլորը, բացի պարոն Պրիգոժինից»,- նկատել է պատգամավորը։

Նրա խոսքով՝ «այն ժամանակ Պրիգոժինին տեղեկացրել են, որ այս դեպքում «Վագներ»-ը չի մասնակցի հատուկ ռազմական գործողությանը»։

«Այսինքն՝ ոչ մի ֆինանսավորում կամ նյութական ռեսուրս չի հատկացվելու»,- մասնավորեցրել է Կարտապոլովը։

Նա նաև ընդգծել է, որ «Պրիգոժինի համար սա է հիմնական, եթե ոչ գլխավորը»։

«Կատարվել է հետևյալը. առաջինը՝ փողը, երկրորդը՝ հիմար և չափից դուրս մեծ հավակնությունները, երրորդը՝ հուզված վիճակ։ Այս ամենը միասին հանգեցրել է դավաճանության և իր մարտական ընկերների խաբեության փորձին», - նշել է Կարտապոլովը՝ խոսելով ապստամբության փորձի պատճառների մասին։