Խորվաթիայի խորհրդարանը Ուկրաինայի Հոլոդոմորը ցեղասպանություն է ճանաչել
Խորվաթիայի խորհրդարանը 1932-1933 թվականներին Ուկրաինայի սովը ուկրաինացի ժողովրդի ցեղասպանություն ճանաչող բանաձև է ընդունել։ Այս մասին, ТАСС-ի փոխանցմամբ, հայտարարել է երկրի խորհրդարանի նախագահ Գորդան Յանդրոկովիչը։
Նշվում է, որ որոշումն ընդունվել է միաձայն՝ 129 ձայնով։ Բանաձևը Հոլոդոմորի կանխամտածված կազմակերպման պատասխանատվությունը դնում է խորհրդային ղեկավարության վրա։
Փաստաթուղթը խորհրդարան է ներկայացրել «Խորվաթիայի դեմոկրատական համագործակցություն» կուսակցության իշխող մեծամասնությունը։
