«Վերջապես խոսվեց, որ «Իսկանդերների» հետ կապված կային կիրառման սահմանափակումներ». Իոաննիսյան

«Ուրախ եմ, որ վերջապես (ԱԺ քննիչ հանձնաժողովում) խոսվեց այն մասին, որ «Իսկանդերների» հետ կապված կային կիրառման սահմանափակումներ: Ու թեև վարչապետ Փաշինյանը չմանրամասնեց, բայց բոլորս հասկանում ենք, որ սահմանափակողը Մավրիտանիան կամ Տաջիկստանը չէր»: Այս մասին գրում է ԻՔՄ ծրագրերի համակարգող Դանիել Իոաննիսյանը:  

«Սահմանափակողը հռթիռները մեզ հատկացրած (վստահ չեմ, որ տեղին է «վաճառած» եզրույթը) Ռուսաստանն էր: 

Ընդորում, եթե չլիներ ռուսական կողմի այդ սահմանափակումը, Գյանջայի օդակայանի հարվածը կկարողանայինք հասցնել հենց «Իսկանդերով» և ոչ նվազ ճշգրտություն ունեցող «Սկադով», որի արդյունքում վրիպեցինք ու ռազմական օդակայանի տեղը քաղաքացիական շենք պայթեցրեցինք»:

Նշենք, որ ԱԺ քննիչ հանձնաժողովում վարչապետ Նիկոլ Փաշինյանը նշել էր, որ  եղել են զինատեսակներ, որոնց հետ կապված իրավունքը լիարժեք և ամբողջությամբ Հայաստանին չի պատկանել։