«1300-ից ավելի ուսուցիչներ օգոստոսի 20-ից այլևս չեն կարող աշխատել դպրոցներում». Անդրեասյան

«Համակարգում ունենք ուսուցիչներ՝ 1300-ից ավելի, որոնք միջին մասնագիտական կրթություն ունեն, բայց շարունակում են աշխատել դպրոցներում։ Այս անձինք օգոստոսի 20-ից սկսած՝ այլևս չեն կարողանալու աշխատել դպրոցներում»:  Այս մասին այսօր ԱԺ-ում ասել է ԿԳՄՍ նախարար Ժաննա Անդրեասյանը։
 

Նա նշել է, սակայն, որ այդ ուսուցիչներին հնարավորություն կտրվի մասնակցել կամավոր ատեստացիայի, եթե նրանք կարողանան 60% հավաքել, ապա հնարավորություն կունենան շարունակելու իրենց ուսուցչական գործունեությունը։
 

«Հանրակրթության մասին օրենքում ևս մի քանի փոփոխություն ենք անելու։ Մեծապես խնդիր է ոլորտում ուսուցիչների թափուր տեղերի համալրման գործընթացը։ Դրանցից մեկը գործուղման հնարավորությունների ընդլայնումն է։ Առաջարկում ենք ուսուցիչներին հնարավորություն տալ՝ գործուղվել ու աշխատել մարզերում»,- նշել է նա։
 

Բացի այդ, մանկավարժական կրթություն ստացող վերջին կուրսի ուսանողներին էլ հնարավորություն կտրվի աշխատելու գյուղական դպրոցներում։