ՀՀ քաղաքացին մաքսանենգ ճանապարհով ոսկի է փորձել տեղափոխել Վրաստան

ՀՀ քաղաքացին փորձել է մաքսանենգ ճանապարհով ոսկի տեղափոխել Վրաստան: Այս մասին հայտնում է Sputnik Գրուզիան՝ հղում անելով երկրի ֆինանսների նախարարությանը։

Մաքսանենգ ճանապարհով ոսկի տեղափոխելու փորձեր են կանխվել Սադախլո (վրաց-հայկական սահման) և Սարփի անցակետերում (վրաց-թուրքական սահման):

Մաքսավորները 406,8 գրամ քաշով ոսկի են հայտնաբերել Հայաստանի և Ռուսաստանի քաղաքացիների ուղեբեռը ստուգելիս։ Հայտնաբերված ապրանքը 15,5 հազար դոլար է գնահատվում։

ՀՀ քաղաքացու գործի նյութերը երկրի ֆինանսների նախարարության քննչական ծառայություն են ուղարկվել հետագա արձագանքման համար, իսկ ՌԴ քաղաքացուն պարտավորեցրել են վճարել 2,3 հազար դոլար տուգանք։