Ռուսաստանը կպատասխանի ռուս լրագրողների դեմ ԵՄ պատժամիջոցներին․ Զախարովա
Ռուսաստանը կպատասխանի ռուս լրագրողների դեմ ԵՄ պատժամիջոցներին։ Այս մասին, ТАСС-ի հաղորդմամբ, հայտնել է ՌԴ ԱԳՆ պաշտոնական ներկայացուցիչ Մարիա Զախարովան։
Նա նշել է, որ ԵՄ երկրների լրագրողներն ու պաշտոնյաները կենթարկվեն պատասխան սահմանափակումների։
Ավելի վաղ հայտնի էր դարձել, որ ուժի մեջ է մտել Ռուսաստանի դեմ պատժամիջոցների 11-րդ փաթեթը։ Պատժամիջոցների տակ են հայտնվել ռուսական 33 ընկերություններ, ինչպես նաև 71 ռուսաստանցի։
Բացի դա, ԵՄ-ն Հայաստանից, Իրանից, Չինաստանից, Արաբական Միացյալ Էմիրություններից, Ռուսաստանից, Սիրիայից և Ուզբեկստանից 87 ընկերություն և կազմակերպություն է ներառել այն իրավաբանական անձանց ցանկում, որոնք ենթակա են ռազմական տեխնիկայի և երկակի նշանակության սարքավորումների մատակարարման սահմանափակումների։
