ՏԵՍԱՆՅՈՒԹ․ Ռուսական բանակը լուրջ կորուստներ է կրում առաջնագծում․ Պրիգոժին

«Վագներ» ռազմական մասնավոր կազմակերպության հիմնադիր Եվգենի Պրիգոժինը հայտնել է, որ ռուսական բանակը լուրջ կորուստներ է կրում առաջնագծում, ինչը հանգեցրել է Ուկրաինայում կռվող ՌԴ ԶՈւ անձնակազմի կրճատմանը։

«Այս պահին ռազմաճակատում շատ լուրջ կորուստներ կան։ Սպանվածներ, վիրավորներ և անհետ կորածներ։ Ստորաբաժանումներում մարտիկների թիվը կրճատվում է։ Եթե ​​նախկինում դասակը 100-ից ավելի հոգով առաջադրանք էր կատարում, ապա այժմ այն ​​50 կամ 60 է։ Երբ անձնակազմը նվազում է, բնականաբար, զինվորների մահը շատանում է։ Մարդիկ պետք է մոբիլիզացվեն ու պատրաստ լինեն։ Հակառակ դեպքում հնարավոր չէ կանգնեցնել պատերազմն ու մարդկաին և տարածքների կորուստները», - Պրիգոժինի խոսքերը մեջբերել է նրա մամուլի ծառայությունը։

Հիշեցնենք՝ ավելի վաղ հայտնել էինք, որ Ուկրաինայի զինված ուժերը փորձում են գրոհել Տյոտկինո գյուղում գտնվող շաքարավազի գործարանը։