ՏԵՍԱՆՅՈՒԹ. «3 ամսվա ընթացքում էս խնդիրը լուծեք». Փաշինյանը հանձնարարական տվեց
ՀՀ վարչապետ Նիկոլ Փաշինյանը կառավարության նիստում խոսել է անկանխիկ գործարքների մասին` շեշտելով, թե չափազանց կարևոր է, որ Կենտրոնական բանկի և ՊԵԿ-ի գործընկերները շարունակեն ընդլայնել հետևողական աշխատանքը անկանխիկ վճարումների համակարգը ընդլայնելու ուղղությամբ:
«Ես ահազանգեր եմ ստանում, որ Հայաստանի Հանրապետության պետական հիմնարկներում դեռևս կանխիկ վճարումների հարց կա: Այսինքն` կանխիկ վճարումներ են իրականացվում, ես մեր փոխվարչապետերին և բոլոր նախարարներին, գործընկերներին կխնդրեմ` բացառեք որևէ կանխիկ վճարման ընդունումը, ընդ որում մի ժամանակ նաև տերմինալներով վճարումը պայմանական անկանխիկ էինք համարում, բայց տերմինալով վճարումը նույնպիսի կանխիկ վճարում է: Կանխիկ վճարումն այն է, երբ որ մարդն այդ ընթացքում թղթադրամի հետ առնչվում է: Հետևաբար ես ժամանակ եմ տալիս` 3 ամսվա ընթացքում այս խնդիրները լուծել»,- ասել է Փաշինյանը:
Մանրամասները` տեսանյութում:
