ՏԵՍԱՆՅՈՒԹ․ ֆուտբոլ՝ «լողավազան» դարձած խաղադաշտում․ Շոտլանդիա
Եվրոպայի առաջնության ընտրական փուլի Շոտլանդիա-Վրաստան հանդիպումը դադարեցվել է խաղադաշտում «ջրհեղեղի» պատճառով։ Խաղը վերածվել է ջրագնդակի (ջրային պոլո՝ թիմային սպորտաձև գնդակով)։
Երեկ՝ հունիսի 20-ին, Շոտլանդիայի Գլազգո քաղաքում այնքան ուժեղ անձրև է տեղացել, որ հանդիպման արդեն 10-րդ րոպեին գլխավոր մրցավարը որոշել է թիմերին տանել տրիբունա։
Խաղադաշտը վերածվել է լողավազանի և չի համապատասխանել պահանջվող չափանիշներին, իսկ խաղացողները անընդհատ սայթաքել ու կորցրել են գնդակը:
Նշվում է, որ մարզադաշտում աշխատել են մասնագետներ, ովքեր փորձել են չորացնել խաղադաշտը, որպեսզի փորձեն վերսկսել ֆուտբոլային հանդիպումը։
