ԼՈՒՍԱՆԿԱՐՆԵՐ․10-ամյա տղայի նկարազարդած Rolls-Royce Cullinan-ն աճուրդում վաճառվել է 450.000 դոլարով

Շքեղ Rolls-Royce Cullinan մեքենան, որը ձեռքով նկարազարդել է 10-ամյա տաղանդաշատ նկարիչը, 450.000 դոլարով ձեռք է բերել մի միլիոնատեր հավաքորդ: Այս մասին տեղեկանում ենք Daily Mail-ից։

Ինչպես գրում է կայքը, գերմանական Քյոլնի բնակիչ Միկայիլ Աքարը ճանաչում է ձեռք բերել արվեստի ցուցահանդեսների շնորհիվ: Նրա աշխատանքները վաճառվում են մի քանի հազարից մինչև տասնյակ հազարավոր դոլարներով:

Պարբերականը նկատում է, որ տասնամյա երեխային համեմատում են նեոէքսպրեսիոնիստներ Ժան-Միշել Բասկիայի և Ջեքսոն Պոլոքի հետ:

Նշվում է, որ նրա ուշագրավ գործերից մեկը 350.000 դոլար արժողությամբ Rolls-Royce Cullinan-ի նկարազարդումն է, ինչի արդյունքում մեքենայի գինն ավելացել է 100.000 դոլարով:  Երեխան նաև նկարել է երեք այլ դասական մեքենայի վրա՝ ներառյալ 1967 թվականի VW Bully, 1967 թվականի Chevrolet Monte Carlo և 1967 թվականի Mustang, որը վաճառվել է 70.000 դոլարով:

«Երբեմն գիտեմ, թե ինչ եմ ստեղծելու, երբեմն էլ չգիտեմ: Ես սիրում եմ նկարել և նկարում եմ այն, ինչ տեսնում եմ իմ գլխում։ Ես անչափ ուրախ եմ, երբ մարդիկ գնում են իմ արվեստը», - անկեղծացել է տղան։

Նա մի քանի ցուցահանդեսներ է ունեցել Գերմանիայի քաղաքներում, այդ թվում՝ Քյոլնում, Դյուսելդորֆում, Բեռլինում, Համբուրգում և Մյունխենում, ինչպես նաև Վիեննայում, Ցյուրիխում և Ստամբուլում և Նյու Յորքում։

[ee9bb85ee8c83076fb16531d6399c0a3.png]

[fe349e3492980802581821c10df92b2f.png]

[7bff7b3f1ac218f052f6ebc219ccb7b0.png]

[077147cc6f98628bed59c36be162994d.png]