Լաչինի միջանցքի հարցը ԵԽԽՎ–ում կարող է քննարկվել հունիսի 22–ին

Եվրոպայի խորհրդի խորհրդարանական վեհաժողովի ամառային լիագումար նստաշրջանում Լաչինի ազատ և անվտանգ մուտքի ապահովման հարցի հրատապ քննարկումը հնարավոր է տեղի ունենա հունիսի 22–ին: Այս մասին Sputnik Արմենիային հայտնել է ԵԽԽՎ հայկական պատվիրակությունը։

«Հայկական կողմը դեռևս չի ստացել նստաշրջանի օրակարգը, սակայն ամենայն հավանականությամբ այդ քննարկումը տեղի կունենա»,– ասել են պատվիրակությունից։

ԵԽԽՎ–ում ամառային լիագումար նստաշրջանն անցկացվելու է հունիսի 19-23-ը։

Հիշեցնենք՝ Փոլ Գավանը 2022-ի հոկտեմբերին՝ ԵԽԽՎ աշնանային նստաշրջանի լիագումար նիստի ընթացքում, դատապարտելով ադրբեջանական ագրեսիան, հայտարարել էր, որ Ադրբեջանի կողմից հարձակումը տեղի է ունեցել ՀՀ ինքնիշխան տարածքի նկատմամբ։