Մալին պահանջել է երկրից անհապաղ դուրս բերել ՄԱԿ-ի առաքելությունը
Մալիի արտաքին գործերի նախարար Աբդուլայե Դիոպը ուրբաթ ՄԱԿ-ի Անվտանգության խորհրդից պահանջել է դուրս բերել Մալիում գտնվող ՄԱԿ-ի բազմամասնագիտական ինտեգրված կայունացման առաքելությունը (Մինուսմա):
Միաժամանակ, նշում է լրատվամիջոցը, Դիոպը մերժել է առաքելության մանդատի փոփոխման բոլոր տարբերակները, որոնք առաջարկել էր ՄԱԿ-ի գլխավոր քարտուղարը։
Մալիի նախարարը մատնանշել է Մինուսմայի «ձախողումը» իր երկրում անվտանգության խնդիրների լուծման գործում:
Ըստ RFI-ի՝ Անվտանգության խորհրդում Դիոպի հայտարարությունը զարմացրել է որոշ դիվանագետների, որոնք հավաքվել էին քննարկելու ՄԱԿ-ի առաքելության մանդատի երկարաձգման հարցը։ Իր դեմարշով աֆրիկացի նախարարը վերջ է դրել մտքերի այս փոխանակմանը, հաղորդում է ռադիոկայանը։
