ՏԵՍԱՆՅՈՒԹ. Ջրածածկ բակեր և վնասված ճանապարհներ. Վրաստանը պայքարում է վատ եղանակի հետևանքների դեմ
Վրաստանի արևելքում ` Շիդա Քարթլի շրջանում, այսօր ամբողջ օրը պայքարում են եղանակային վատ հետեւանքների դեմ։ Այս մասին հայտնում է Sputnik-georgia-ն:
Այստեղ տեղատարափը հանգեցրել է Սացխենեթի գետի ափերի վարարմանը. ջրով են լցվել կենցաղային հողատարածքները և վնասվել ճանապարհները։
Բացի այդ, սարերից եկող սելավը վնասել է էլեկտրահաղորդման գծերը Աթենի կիրճում։ Այս պահին կիրճի էլեկտրամատակարարումը վերականգնվել է։
Տեղի իշխանությունները խոստանում են մաքրել ճանապարհները ջրի մակարդակի նվազումից հետո։
