Գրեբենշչիկովին տուգանել են՝ Ռուսաստանի գործողությունները «ֆաշիսկական» որակելու համար
Մոսկվայի Տվերսկոյ շրջանի դատարանը 50 հազար ռուբլու տուգանք է սահմանել անվանի ռոք երաժիշտ և պոետ Բորիս Գրեբենշչիկովի նկատմամբ:
Դատարանն այդ վճիռը կայացրել է Ուկրաինայում Ռուսաստանի գործողությունները «ֆաշիստական» որակելու համար:
Գրեբենշչիկովն այդպես է անվանել Ռուսաստանի գործողությունները «9-րդ ալիք» իսրայելյան լրատվական ընկերությանը տված հարցազրույցում:
Գրեբենշչիկովը բազմիցս է հրապարակավ դատապարտել Ռուսաստանի հարձակումն Ուկրաինայի վրա, ինչի հետևանքով Ռուսաստանում նրա համերգները չեղարկվել են:
Նշենք, որ Բորիս Գրեբենշչիկովը բնակվում է արտասահմանում:
