«Ստուգո՞ւմ եք՝ ի՞նչ որակի պանիր, հավկիթ, միս է վաճառվում». Գեղամ Նազարյան

 ԱԺ նիստում դիմելով Էկոնոմիկայի նախարարին` «Հայաստան» խմբակցության պատգամավոր Գեղամ Նազարյանը հարցրել է.

«Ստուգո՞ւմ եք՝ ի՞նչ որակի պանիր, հավկիթ, միս է վաճառվում, լոլիկի, վարունգի պարունակությունն ի՞նչ է, որովհետև մրգերը, երբ գենետիկորեն փոխվում են, մարդու առողջությունը քայքայում են: Ոլորտը բարձիթողի վիճակում է»,-

«ՍԱՏՄ-ն անընդհատ ստուգումներ է իրականացնում ու ժամանակ առ ժամանակ տեսնում ենք, որ ստուգումների արդյունքում կասեցվել է այս կամ այն տնտեսվարողի գործունեությունը»,- ասել է Վահան Քերոբյանը: 

Հիշեցնենք՝ ԱԺ-ում քննարկվում է Սննդամթերքի անվտանգության պետական վերահսկողության և Բուսասանիտարիայի մասին օրենքում լրացումներ կատարելու մասին նախագծերի փաթեթը:

«Տեխնիկական խնդիր ունենք եթերի հետ կապված, ստիպված եմ 20 րոպե ընդմիջում հայտարարել»,- քիչ առաջ հայտարարեց ԱԺ նախագահ Ալեն Սիմոնյանը: