Ուկրաինայի զինված ուժերը հարձակվել են «Պրիազովյե» նավի վրա
Սևծովյան նավատորմի «Պրիազովյե» նավի վրա արագընթաց նավերով Ուկրաինայի զինված ուժերի կողմից անհաջող հարձակում է տեղի ունեցել։ Այս մասին հայտնել է Ռուսաստանի Դաշնության պաշտպանության նախարարությունը։
Նշվում է, որ նավը ապահովում էր Սև ծովում «Երկնագույն հոսք» և «Թուրքական հոսք» գազատարների անվտանգությունը։
«Հարձակումը հետ է մղվել այս գիշեր, բոլոր նավակները ոչնչացվել են ռուսական նավի ստանդարտ սպառազինության կրակից», - ընդգծել են գերատեսչությունում։
Նշվում է նաև, որ զոհեր չեն եղել, իսկ «Պրիազովյե» նավը չի տուժել։
