Ուկրաինայի զինված ուժերը Դոնեցկում ակտիվ գործողությունների են պատրաստվում․ Յան Գագին

Ուկրաինայի զինված ուժերը պատրաստվում են ակտիվ գործողությունների Դոնեցկի ճակատում։ Այս մասին հայտնում է ՏԱՍՍ-ը ՝ վկայակոչելով Դոնեցկի Ժողովրդական Հանրապետության ղեկավարի ժամանակավոր պաշտոնակատարի խորհրդական Յան Գագինին: 

Նա նշել է, որ ներկայումս հատկապես ինտենսիվ ռազմական գործողություններ են նկատվում Ուգլեդարի և Ավդեևկայի շրջաններում։

«Այժմ Ուկրաինայի զինված ուժերը հեռանկարային են համարում հենց Դոնեցկի ուղղությունը։ Ուկրաինայի զինված ուժերը բավական լուրջ ուժեր են կենտրոնացրել, նրանք շարունակում են կուտակել անձնակազմն ու տեխնիկան այդ ուղղությամբ», - հայտարարել է Գագինը։ 

Նա նաև նշել է, որ ուկրաինական բանակը շարունակում է մոբիլիզացնել իր զորքերն ու զրահապատ տեխնիկան այդ շրջանում: Ընդ որում, ռուսական բանակն առայժմ հաջողությամբ դիմակայում է հակառակորդին, հավելել է ԴԺՀ ղեկավարի ժամանակավոր պաշտոնակատարի խորհրդական Յան Գագինը: