ՏԵՍԱՆՅՈՒԹ․ Ղազախստանում հրդեհները մոլեգնում են․ ծխից 15 մարդ է մահացել
Ղազախստանի արևելքում Աբայսկի շրջանում դեռևս մոլեգնում են հրդեհները: Հրդեհից և ծխից արդեն 15 մարդ է մահացել:
Փրկարարները հորդորում են բնակիչներին մնալ տանը՝ հատկապես ովքեր խնդիրներ ունեն թոքերի հետ։
Հրդեհի մակերեսը կազմում է ավելի քան 60 հազար հեկտար։ Հրդեհը մարելու համար ուղարկվել է 922 անձնակազմ, մոտ 2 հազար միավոր տեխնիկա և 8 ուղղաթիռ։
Հիշեցնենք՝ արդեն մի քանի օր է Ռուսաստանի և Ղազախստանի հետ սահմանին անտառային հրդեհները չեն դադարում։
